حذف معطياتك
آخر تحديث:
كي تربط صفحتك بزرّ «اربط بفيسبوك»، فيسبوك يعطينا قائمة الصفحات اللي تديرها (المعرّف، الاسم، التصويرة، ودورك فيها) ومفتاح دخول مؤقّت. نستعملو المفتاح مرّة وحدة باش الصفحة اللي تختارها تعطي «الإعلانات» و«الإحصائيات» للـ Business Manager متاعنا، ومن بعد نمسحوه (في أقصى حدّ بعد 15 دقيقة). ما نخبّيوش مفاتيح فيسبوك متاعك وما نشوفوش كلمة السر متاعك.
اللي يقعد عندنا: معرّف الصفحة واسمها، وحساب الإنستغرام المربوط بيها، باش نطلقو حملاتك. التفاصيل الكل في سياسة الخصوصية.
1. نحّي Sponsi من فيسبوك
- فيسبوك ← Paramètres et confidentialité › Paramètres
- Applications et sites web ← Sponsi ← Supprimer
هكّا ما عادش نجمو نقراو حتى حاجة من حسابك في فيسبوك.
2. نحّي الوصول متاعنا لصفحتك
- بدّل لصفحتك ← Paramètres › Accès à la Page
- في Partenaires، نحّي الـ Business Manager متاعنا
الحملات اللي تخدم على الصفحة تتوقّف.
3. امسح معطياتك عندنا
- من التطبيق: «حسابي» ← «فسخ الحساب». معطياتك الشخصية والصفحات المربوطة تتمسح توّا.
- ولا راسلنا على الواتساب (راسلنا على الواتسابمن وسائل الاتصال اللي في حسابك) بنومرو التليفون متاع حسابك: نمسحو معطياتك في أقصى حدّ 30 يوم ونعلموك.
السجلات المالية (الشحنات وحركات الرصيد) تقعد مجهّلة، بلا اسمك ولا نومرك، للمدّة اللي يفرضها القانون التونسي. النسخ الاحتياطية المشفّرة تتمسح وحدها بعد 30 يوم تقريباً.