سبونسور إنستغرام في تونس: الريلز، الستوري والفيد بالدينار
آخر تحديث · قراءة 5 دقايق
جمهور إنستغرام في تونس يتفرّج أكثر مما يقرا: ريلز، ستوري، تصاور منتوجات. كان نشاطك يتباع بالتصويرة ولا بالفيديو (موضة، تجميل، ديكور، أكل، رياضة)، إنستغرام بلاصة مهمّة. الصفحة هاذي تفسّرلك شنوّة تنجم تسبونسوري في إنستغرام مع Sponsi، شنوّة يلزمك، وكيفاش تخلّص بالدينار.
الحساب الاحترافي، والربط بصفحة فيسبوك
Meta تطلب حاجتين باش تعلن في إنستغرام: حساب إنستغرام احترافي (Créateur ولا Entreprise، يتبدّل من الإعدادات في دقيقة وبلاش)، ومربوط بصفحة فيسبوك. الإعلانات الكل تتعدّى من الصفحة هاذي، حتى كان الإعلان يبان في إنستغرام برك.
في Sponsi، كي تربط صفحتك، حساب إنستغرام المربوط بيها يتلقى وحدو. ما نطلبو منك حتى كلمة سر، لا متاع فيسبوك ولا متاع إنستغرام. كان الحساب ما يبانش، معناها الربط بين الصفحة والحساب ناقص: الشرح في دليل إنستغرام.
الريلز والفيديو
الريلز هو أكثر حاجة يتفرّج فيها الجمهور الشاب. هدف مشاهدات فيديو ولا ريلز يوصّل الفيديو متاعك للناس اللي يتفرّجو بالحق، موش اللي يفوتو بالزربة. تنجم تسبونسوري ريلز موجود في حسابك، ولا تحمّل فيديو جديد (MP4، عمودي 9:16).
شنوّة يخدم في ريلز إعلاني؟ أوّل ثانيتين يوريو المنتوج ولا النتيجة (قبل/بعد، المنتوج في اليد، الطبق كامل)، نص مكتوب على الفيديو خاطر برشا يتفرّجو بلا صوت، والسوم ولا العرض قبل الآخر.
وكان ما عندكش فيديو؟ ما يلزمكش معدّات غالية: فيديو بالتليفون، ضوء النهار، والمنتوج في يدك يكفي باش تبدا. الأحسن تجرّب زوز فيديوهات قصار، وتخلّي الإعلان اللي يجيب أكثر مشاهدات كاملة ولا ميساجات يكمّل وحدو.
الستوري والفيد
الإعلان ينجم يبان في الستوري (شاشة كاملة، بين ستوريات الناس) وفي الفيد (بين البوستات). قبل ما تنشر، تشوف المعاينة في الزوز، باش تثبّت إنو النص ما يتقصّش والتصويرة واضحة في الشاشة الكاملة. تصويرة مربّعة تخدم في الفيد، أما في الستوري الأحسن تصويرة ولا فيديو عمودي.
الأهداف اللي تنجم تختارها في إنستغرام
- ميساجات من الحرفاء: الحريف يبعثلك في إنستغرام Direct. الأحسن للّي يبيع بالميساجات.
- زيارات لحسابك في إنستغرام: الناس يدخلو لحسابك ويشوفو البوستات متاعك، وبرشا منهم يتبعوك. ينفع كان حسابك مرتّب ويوري خدمتك.
- مشاهدات فيديو ولا ريلز: باش الفيديو يدور.
- تفاعل على بوست وبرشا ناس يشوفوك: باش تكبّر الحضور متاعك في منطقة معيّنة.
كيما في فيسبوك، تختار الولايات (من الـ24)، العمر والجنس، والميزانية في النهار من 4,5 د.
تحب تكبّر عدد المتابعين ولا المشاهدات بلا إعلان؟ من نفس الرصيد فمّا خدمة متابعين ولايكات لإنستغرام زادة (الحساب لازم يكون عمومي طول مدّة الطلب).
إنستغرام برك، فيسبوك برك، ولا الزوز؟
إنتي تختار وين يبان الإعلان. قاعدة بسيطة: كان الجمهور متاعك شاب ونشاطك بصري (موضة، ماكياج، أكل، تصوير)، جرّب إنستغرام. كان تحب توصل لجمهور أكبر في العمر ولا لكل الفئات، فيسبوك يقعد قوي برشا في تونس. وكان ما تعرفش، خلّي الزوز: Meta توزّع الميزانية وين النتيجة أرخص، والتقرير يوريك الفرق.
الإعلان في إنستغرام يتخلّص بنفس الرصيد بالدينار، وبنفس الحماية: Auto-Stop يوقّفو كان صرف 35% من الميزانية بلا نتيجة، واللي ما يتصرفش يرجع لرصيدك.
كيفاش تبدا اليوم
- بدّل حسابك لاحترافي واربطو بصفحة فيسبوك.
- اعمل حساب في Sponsi واربط الصفحة (الحساب يتلقى وحدو).
- اشحن رصيدك بالدينار (أقل شحن حالياً 22,5 د).
- اختار ريلز، بوست ولا تصويرة جديدة، الهدف، الجمهور، وانشر.
خطة لأوّل أسبوع والأخطاء اللي تتعاود في إنستغرام: الدليل الكامل.