سبونسور فيسبوك وإنستغرام بالدينار
آخر تحديث · قراءة 5 دقايق
تحب صفحتك توصل لناس جدد، والحرفاء يبعثولك، أما فيسبوك يطلب كارطة بالعملة الصعبة وAds Manager يدوّخ؟ Sponsi معمولة للحالة هاذي بالضبط: منصّة تونسية تعمل بيها السبونسور متاعك وحدك، من تليفونك، بالدارجة، وتخلّص بالدينار. ما تحتاجش وكالة ولا «واحد يعرف»: إنتي تختار، إنتي تشوف، وإنتي تقرّر.
شنوّة Sponsi بالضبط؟
Sponsi موش وكالة إشهار. هي منصّة self-service: إنتي تحضّر الإعلان متاعك في بعض دقايق، والمنصّة تطلقو عبر الواجهة الرسمية متاع Meta، من حساب إعلانات يتخلّص بالدينار. الإعلان يبان باسم صفحتك وبالتصويرة متاعها، والحرفاء يبعثولك إنتي مباشرة.
الفرق الكبير مع الطرق الأخرى هو إنك تشوف كل شي بعينك: المبلغ بالدينار قبل ما تخلّص، معاينة الإعلان قبل ما ينطلق، والأرقام الحقيقية (قدّاش صرفت، قدّاش من ميساج ولا تفاعل جبت) وقت الحملة وبعدها. وكان الإعلان ياكل في فلوسك وما يجيب شي، Auto-Stop يوقّفو وحدو.
لشكون؟
- اللي يبيع بالميساجات: حوايج، ماكياج، حلويات، أكسسوارات… الحريف يشوف الإعلان ويبعثلك على ماسنجر ولا إنستغرام.
- المحلات والخدمات المحلية: حلّاق، مطعم، قاعة رياضة، مدرسة تكوين، طبيب أسنان… تحب الناس اللي في ولايتك برك يعرفوك.
- صنّاع المحتوى: تحب الريلز ولا الفيديو متاعك يوصل لناس جدد، ولا حسابك في إنستغرام يكبر.
- المتاجر الإلكترونية: تحب زيارات لموقعك، وتقيس قدّاش يكلّفك كل كليك.
الشرط الوحيد: يكون عندك صفحة فيسبوك (وكان تحب إنستغرام، حساب احترافي مربوط بيها). ما يلزمكش خبرة في الإشهار.
شنوّة تنجم تعمل
كل حملة تبدا بسؤال واحد: شنوّة تحب تجيب؟ الأهداف المتوفّرة اليوم:
- ميساجات من الحرفاء: الأحسن للّي يبيع بالميساجات. كان البوست ما فيهوش زرّ ميساج، نزيدوهولو في الإعلان.
- تفاعل على بوست: لايكات، كومنتارات وبارتاجات على بوست موجود.
- مشاهدات فيديو ولا ريلز: الفيديو متاعك يوصل للّي يتفرّجو بالحق.
- برشا ناس يشوفوك: أكبر عدد ممكن من الناس في المنطقة اللي تختارها، بأرخص سوم.
- زيارات لموقعك، متابعين جدد للصفحة، وزيارات لحسابك في إنستغرام.
ما تعرفش أشنوّة تختار؟ الدليل هذا يفسّرلك الفرق بالأمثلة.
وكان تحب تزيد متابعين ولا لايكات ولا مشاهدات لفيسبوك، إنستغرام ولا تيك توك بلا إعلان، فمّا خدمة منفصلة من نفس الحساب ونفس الرصيد: متابعين ولايكات. الإعلان يجيبلك ناس يهمّهم منتوجك؛ الخدمة هاذي تكبّر الأرقام اللي تبان في صفحتك.
كيفاش تخدم في 4 خطوات
- اعمل حساب واربط صفحتك: تعطينا صلاحية «الإعلانات» برك من إعدادات الصفحة، بلا كلمة السر.
- اشحن رصيدك بالدينار: D17، حوالة بريدية، تحويل بنكي ولا كاش، وتبعث تصويرة الوصل.
- حضّر الإعلان: الهدف، البوست ولا تصويرة جديدة، الولايات، العمر، الميزانية في النهار وقدّاش من نهار.
- شوف المعاينة وانشر: نراجعو الحملة، Meta تراجعها، وتوصلك إشعارات في كل مرحلة.
الحملة تبدا من 4,5 د في النهار، لمدّة من نهار واحد لين 30 نهار. الشرح الكامل بالتصاور في دليل السبونسور خطوة بخطوة.
علاش موش «Booster» مباشرة من فيسبوك؟
زرّ «Booster la publication» يخدم، أما فيه ثلاثة مشاكل للتونسي: يطلب كارطة تقبل الخلاص بالعملة الصعبة، يختار برشا مرّات هدف ما يناسبكش (لايكات عوض ميساجات)، ويكمّل يصرف حتى كان ما جابلك حتى حريف. في Sponsi تخلّص بالدينار، الهدف واضح من الأوّل، وAuto-Stop يوقّف الإعلان كي يصرف 35% من الميزانية بلا نتيجة.
وعلى خاطر تخلّص كان اللي يتصرف، اللي يفضل من ميزانية الحملة يرجع لرصيدك وحدو كي توفى. وكان الحملة ما انطلقتش جملة، الفلوس الكل ترجعلك.
حتى حدّ ما ينجم يضمنلك عدد ميساجات ولا بيعات: النتيجة تتبدّل حسب المنتوج، العرض، التصويرة وقدّاش تجاوب بالزربة. اللي نضمنوه: تعرف المبلغ قبل ما تخلّص، وتشوف الأرقام الحقيقية بعينك.
اختار الصفحة اللي تهمّك
- السبونسور في تونس: طرق الخلاص بالدينار، الإرجاع، وكيفاش Auto-Stop يحرس فلوسك.
- سبونسور فيسبوك: حملات ميساجات، سبونسوري بوست موجود، وجمهور حسب الولاية.
- سبونسور إنستغرام: الحساب الاحترافي، الريلز والستوري.
- إشهار فيسبوك في تونس: كيفاش تختار بين تعملو وحدك، وكالة، ولا منصّة.
- أسعار السبونسور: شنوّة تجيبلك 10، 30 ولا 100 دينار.