أسعار السبونسور في تونس: شنوّة تجيبلك 10، 30 ولا 100 دينار؟
آخر تحديث · قراءة 4 دقايق
«بـ10 دينار شنوّة نعمل؟» سؤال نسمعوه كل نهار. الصفحة هاذي تجاوب بالأرقام الحقيقية متاع Sponsi: أقل ميزانية، أقل شحن، رسوم كل طريقة خلاص، والسوم كي تشحن أكثر. وتقلّك بصراحة شنوّة ما نجموش نوعدوك بيه.
القواعد بالأرقام
- التسجيل وربط الصفحة: بلاش. ما فمّاش اشتراك شهري.
- أقل ميزانية لحملة: 4,5 د في النهار (بعض الأهداف تطلب أكثر شويّة، حسب الحدّ الأدنى متاع Meta: تبانلك كي تحضّر الحملة).
- المدّة: من نهار واحد لين 30 نهار.
- أقل شحن للرصيد: 22,5 د حالياً. الرصيد يقعد في حسابك لحملاتك الكل.
- الحساب: الميزانية الكل = قدّاش في النهار × قدّاش من نهار. ما تخلّصش أكثر من اللي اخترتو.
شنوّة تعمل بـ10، 30 ولا 100 دينار؟
| المبلغ | أمثلة حملات | ملاحظات |
|---|---|---|
| 10 د | زوز أيّام بـ5 د في النهار | تجربة قصيرة لبوست. أقل من أقل شحن الحالي (22,5 د)، يعني تكون جزء من رصيد أكبر. |
| 30 د | 6 أيّام بـ5 د، ولا 3 أيّام بـ10 د | كافية باش تجرّب حملة ميساجات وتقرا السوم متاع الميساج. |
| 100 د | 10 أيّام بـ10 د، ولا 20 يوم بـ5 د، ولا زوز حملات بـ50 د | تنجم تقارن إعلانين، وتزيد على اللي خدم. |
نصيحة: بـ30 ولا 100 دينار، الأحسن تبدا بحملة وحدة لمدّة 3 لين 5 أيّام، تقرا الأرقام، ومن بعد تزيد. 3 إعلانات بـ5 د كل واحد يتعلّمو بشويّة أكثر من إعلان واحد بـ15 د.
رسوم الخلاص، واضحة من قبل
- D17: رسوم حالياً 1%. مثال: شحن 100 د يتخلّص 101 د.
- حوالة بريدية، تحويل بنكي، كاش: بلا مصاريف زايدة من عندنا (البوسطة ولا البنك ينجمو ياخذو مصاريفهم العادية).
المبلغ الصحيح اللي باش تخلّصو يبانلك قبل ما تأكّد الشحن، وما فمّا حتى مصاريف مخبّية من بعد. تفاصيل كل طريقة في دليل الخلاص بلا كارطة.
السوم يرخص كي تشحن أكثر
حالياً، كي تشحن من 430 د فما فوق في مرّة وحدة، السوم أرخص بـ4,4% تقريباً. يعني نفس الميزانية تعطيك إعلان أكثر شويّة. الدرجات المحيّنة ديما في الصفحة الرئيسية.
واللي ما يتصرفش ما يضيعش: كي توفى الحملة، اللي فضل يرجع لرصيدك بعد مهلة قصيرة (وقت Meta تكمّل تحسب المصروف). وكان الحملة ما انطلقتش، الفلوس الكل ترجعلك.
وشنوّة تجيب من نتايج؟
هنا لازم نكونو صريحين: ما فمّاش سوم ثابت للميساج ولا للايك. فيسبوك يبيع بالمزاد، والنتيجة تتبدّل حسب المنتوج، التصويرة، النص، الجمهور، والوقت متاع العام (في رمضان وقبل العيد السوم يطلع). اللي يوعدك بعدد ميساجات ولا «50 حريف مضمونين» من إعلان يكذب عليك.
اللي نعملوه: نعطيوك تقدير قبل ما تخلّص، مبني على حملات كيفها، وAuto-Stop يوقّف الإعلان كان صرف 35% من الميزانية بلا نتيجة، باش ما تكمّلش تخلّص على إعلان ما يخدمش. وكي توفى الحملة، تشوف قدّاش كلّفك كل ميساج ولا كل نتيجة بالحق. كيفاش فيسبوك يحسب السوم بالتفصيل: دليل الأسعار.
احسب ميزانيتك قبل ما تبدا
الحاسبة اللي في الصفحة الرئيسية توريك تقدير للنتايج حسب الهدف، الميزانية في النهار، وقدّاش من نهار. جرّبها بالمبلغ اللي في بالك، ومن بعد اعمل حسابك وحضّر الحملة: المبلغ الكل يبانلك بالدينار قبل ما تنشر.
وبنفس الرصيد، تنجم زادة تطلب متابعين ولايكات بلا إعلان: الأسوام تبدا من مبالغ صغيرة وتبانلك محيّنة في الصفحة الرئيسية.